News News

"እስርን ያመለጥነው በንባብ ነው።"
ደራሲት ህይወት ተፈራ

በባህርዳር ማረሚያ ቤት ታራሚዎች ተጎበኙ፤ መጻሕፍት ተበረከተላቸው።

በባህርዳር ከተማ እየተካሄደ በሚገኘው "ህዳር ሲታጠን መጽሀፍ ሲተነተን" በሚል አብይ መሪ ቃል ስር በባህርዳር ከተማ እየተካሄደ የሚገኘው የሥነ ጽሑፍ አውደ ርዕይ፣ የመጻሕፍት አውደ ርዕይ፣ ሽያጭ፣ የንባብ ሳምንት እና የውይይት መድረክ መርሀ ግብር አንድ አካል የሆነው መርሀ ግብር አንድ አካል በሆነውና በባህርዳር ማረሚያ ቤት በተካሄደው ስነስርዓት ላይ የባህር ዳር ማረሚያ ቤት ታራሚዎች፣ ሀላፊዎች፣ የጥበቃ ሰራተኞች እና የአስተዳደር ሰራተኞች፣ ደራስያን፣ የመገናኛ ብዙሀን ባለሙያዎች እና ጥሪ የተደረገላቸው እንግዶች ታድመዋል።
የኢትዮጵያ ብሔራዊ ቤተመዛግብትና ቤተመጻሕፍት ኤጀንሲ ዋና ዳይሬክተር አቶ ይኩኑ አምላክ መዝገቡ እና የባህር ዳር ማረሚያ ቤት ምክትል ሀላፊ ዋና ኢንስፔክተር መልካሙ አዛናው በእንኳን ደህና መጣችሁ ንግግር በከፈቱት ዝግጅት ደራሲ ህይወት ተፈራ በዘመነ ደርግ በፖለቲካ ምክንያት በነበራቸው ቆይታ
"ራሳችንን ከውጭው አለም ጋ የምናገናኘውም ሆነ የእስርን መጥፎ ዘመን ያለፍነው በመጻሕፍት ንባብ ነው። ጊዜአችንን በቤተመጻሕፍት ለማጥፋትና መጻሕፍትን ለማንበብ በሰልፍ ነበር የምንዋሰው። መጻሕፍት ከክፉ ነገሮችና አመለካከቶች የምናመንጥበት መንገድ ነው።"
በማለት የመጻሕፍትን ወዳጅነትና የንባብን ጠቀሜታ ለታራሚዎች አካፍላለች።
ጋዜጠኛ እና ደራሲ ሄኖክ ስዩም ለታራሚዎች ባስተላለፈው መልእክት የተለያዩ ደራስያን እና ተርጓሚዎች የስነ ጽሑፍ ስራዎቻቸውን ለማበርከት ማረሚያ ቤቶች የነበራቸውን ሚና አንስቷል።
"ማረሚያ ቤት ሆናችሁ ራሳችሁን ከማረሚያ ቤት ውጭ የምታገኙት በመጻሕፍት አማኝነት ነው። " ያለው ጋዜጠኛ እና ደራሲ ሄኖክ ስዩም " ጊዜአችሁን በአግባቡ ከተጠቀማችሁ ስለማርፈድ ሳይሆን ስለመቅደም ነው የምታስቡት።" ብሏል
ሌላው በማረሚያ ቤቱ ልምዳቸውን ያካፈሉት መምህር መሰረት አበጀ ናቸው። ከእርሳቸው በተጨማሪም አርቲስት ሚካኤል ሚሊዮን፣ መምህርና ደራሲ ሀይለመልኮት መዋዕል፣ ደራሲና ተርጓሚ ጌታነህ ሀሳቦቻቸውን ካካፈሉት እንግዶች መካከል ናቸው።
በዝግጅቱ ማጠቃለያ ላይም ደራስያን በግላቸው በስጦታ ከሰጡት በተጨማሪ የኢትዮጵያ ብሔራዊ ቤተመዛግብትና ቤተመጻሕፍት ኤጀንሲ ለባህርዳር ማረሚያ ቤት ቤተ መጻሕፍት ከ600 በላይ የተለያዩ መጻሕፍትን ለግሷል::

በበፍቃዱ አባይ የተዘገበ


በባህር ዳር ከተማ የሚካሄደው የንባብ ሳምንት የመጽሐፍት አውደርዕይና የውይይት መድረክ በዛሬው ዕለት ህዳር 13/2012ዓ.ም.በድምቀት ተከፍቷል።
የባህር ዳር ክልላዊ መስተዳድር የባህልና ቱሪዝም ቢሮ ም/ኃላፊ አቶ መላኩ አላምረው የባህር ዳር ዪኒቨርሲቲ ኢንፎርሜሽን ስትራቴጂ ኮሚዪኒኬሽን ም/ፕሬዚዳንት እና የኤጀንሲያችን አመራሮች የባህር ዳር ከተማ ነዋሪዎች ከ10 ት/ቤቶች የተውጣጡ ተማሪዎችና ርዕሳነ መምህራን በተገኙበት በክልሉ ማርሽንግ ባንድ እና በተማሪዎች ሰልፍ ነበር የተከፈተው።
በመቀጠልም የተማሪዎች ጥያቄና መልስ ውድድር በሙሉአለም አዳርሽ ተካሂዷል ።
በደራሲያን ምክርና ተረት ተነቧል።
ስነጽሁፍ ያቀረቡና በውድድሩ ላይ የተካፈሉ ተማሪዎች በኤጀንሲው ሽልማት ተበርክቶላቸዋል።

መስከረም 6/2012 ዓ.ም. የተጀመረው የቤተመጻሕፍት ሙያ ስልጠና ተጠናቆ መስከረም 30/2012 ዓ.ም. የምርቃት ሥነ-ሥርዓት ተከናውኗል፡፡ ኤጀንሲው ለሰልጣኞቹ ደረጃውን የሚመጥን ማስረጃ /ሰርተፊኬት አበርክቷል፡፡ በሥነ ሥርዓቱ ላይ የተካፈሉ ሰልጠኞች በሥልጠናው የመጀመሪያ ደረጃ ክህሎት በማግኘታቸው የተደሰቱ መሆናቸውን ገልጸዋል፡፡

የኢትዮጵያ ብሔራዊ ቤተመዛግብትና ቤተመጻሕፍት ኤጀንሲ ከባህልና ቱሪዝም ሚኒስቴርና ከሌሎች ተጠሪ ተቋማት ጋር በመሆን ሐምሌ 1ዐ ቀን 2ዐ11 ዓ.ም በየካ ክፍለ ከተማ ቢሲና ችግኝ ጣቢያ አካባቢ ችግኝ ተክለዋል፡፡

መረጃዎች እንደሚያሳዩት ከሆነ ኢትዮጵያ የተለያዩ የደንና የተፈጥሮ ሀብት ባለቤት እንደነበረች እንደሆነች እና እነዚህም በሰው ሰራሽና ተፈጥሮ ክስተቶች እየተመናመኑ መጥተው ከፈተኛ ችግር ውስጥ እንደሆኑ ያመለክታሉ፡፡ የአየር ንብረት ለውጥ፣ ተከታታይ ድርቅና ረሃብ የሙቀት መጨመር፣ የበረሃማነት መስፋፋት፣ የተፈጥሮ ሚዛን መዛባት፣ የሙቀት መጨመር፣ ምክንያት በሰው ልጅ ሕይወት ላይ የተደቀኑ አደጋዎች ናቸው፡፡

“ከዛሬ 550 ዓመታት በፊት በነዓፄ ዘርዓ ያዕቆብ ዘመነ ንግሥና በኢትዮጵያ ሰው ሰራሽ ደንን የማጎልበት ሥራ እንደተጀመረ ቢነገርም፤ ያንን ስልጣኔ ማስቀጠል ተስኖን የዛሬውን ለሰው እና ለእንስሳት ኑሮ የማይመች አካባቢ እንድንይዝ ተገደናል” ያሉት ደግሞ አቶ ግዛት አበበ የጣብያው ከፍተኛ ባለሙ  ናቸው፡፡  ለዚህም አዲስ አለምና መናገሻ ህያው ምስክሮቻችን ናቸው ብለዋል ፡፡ “የችግሮቻችን መብዛት እና ካለፉ ስህተቶቻችን መማር አለመቻላችን ዋጋ አስከፍለውናል” ነው ያሉት፡፡

እንደ ኢትዮጵያ አይነት ሀገር የደን መመናመንና ድርቅ የሚያስከትሉት መዘዝ ትርጉሙ ብዙ ነው!!  ምክንያ/ በቀጥታም ይሁን በተዘዋዋሪ  85% የኢትዮጵያ ሕዝብ መተዳደሪያ ግብርና ሲሆን ወቅቱን የጠበቀ ዝናብና ሚዛኑን የጠበቀ የአየር ንብረት ወሳኝ የግብርና ግብአቶች ናቸው፡፡ ደኖችን መንከባከብ እና መትከል የህልውና ጉዳይና ለነገ የማይባል  የዚህ ትውልድ ኃላፊነት ነው፡፡

የኤጀንሲው ሠራተኞች ችግኝ በሚተክሉበት ወቅት እንዴት መትከል እንዳለባቸው ሰፊ መመሪያ የሰጡት አቶ ግዛት ተስፋዬ  እንዳሉት ችግኝ ስንተክል ስሩ እንዳይታጠፍ፣ መትከያ ጉድጓዱ ሲቆፈር ከችግኙ ሶስት እጥፍ እንዲሆን አድርጐ ማዘጋጀት፣ በሚተከልበት ጊዜ ግንድ ከመሬት እኩል መሆኑን ማረጋገጥና የጉድጓዱ ርዝመት ከችግኙ ከበለጠ ውሃ እንዳይዝ ማድረግ፣ ግንዱ ከመሬት እኩል እስኪሆን ድረስ ጉድጓዱን አፈር መሙላት ያስፈልጋል ብለዋል፡፡

ከዚህ በተጨማሪ ችግኙ 9ዐ ዲግሪ ቀጥ ብሎ መቆሙን ማረጋገጥ ያስፈልጋል ብለዋል፡፡ ጉድጓዱ ከመሬት ልክ አፈር ካልተሞላ ውሃ ቋጥሮ ችግኙ እንዲደርቅ ስለሚያደርገው በጥንቃቄ አፈር መሙላቱን ማረጋገጥ ተገቢ ነው ብለዋል፡፡

ችግኝ መትከል ብቻውን ግብ አይደለም ግቡ ፀድቀው ዛፍ መሆን ሲችሉና ዛፎች እንዲጨምሩ ማድረግ ነው፡፡ ስለሆነም ገንዘብ፣ ጉልበትና ጊዜ ወጥቶባቸው ካበቃ በኋላ ለውጤት ችግሮችን ለመፍታት  እንዲውሉ ችግኞች ከተተከሉ እና ከመተከላቸው በፊት የግንዛቤ መስጫ ኘሮግራሞች  ተጠናክረው መሰጠት አለባቸው፡፡ እንዲሁም አረንጓዴ አሻራን የማኖር ቀን በሚል በአንድ ጀንበር 2 ሚሊዮን ችግኝ ለመትከል በተያዘው ዕቅድም የመስሪያ ቤቱ ሠራተኞች ገላን አካባቢ አሻራቸውን ያኖሩ መሆኑን እንገልጻለን፡፡

 


የኢትዮጵያ ብሄራዊ ቤተመዛግብት እና ቤተመጻሕፍት ኤጀንሲ በተለያዩ ትምህርት ቤት ተማሪዎች ሐምሌ 19 ቀን 2ዐ11 ዓ.ም ተጎበኘ፡፡ ኤጀንሲውን ከጎበኙ ተማሪዎች መካከል ሶስና የመጀመሪያ ና ሁለተኛ ደረጃ ትምህርት ቤት በቁጥር ወንድ 40 ሴት 29 በድምሩ 69 ናቸው፡፡ ከጎበኟቸው የስራ ክፍሎች መካከል የኢትዮጵያ ጥናት ክፍል፣ የመዛግብት ንባብ ክፍል እና የፅሁፍ ቅርስ ንባብ ክፍል ሲሆኑ የከፍሉ ሠራተኞች ስለኤጀንሲው ታሪካዊ ዳራ፣ በውስጡ ስላሉ የመዛግብት ስብስብ፣ የጽሁፍ ቅርሶች አያያዝ አጠባበቅና እንክብካቤ በተመለከተ ኤጀንሲው ስለሚሰጠው አገልግሎት የመረጃ አሰባሰብና አደረጃጀት ዘመናዊ ሪከርድ ስራ አመራርና መዛግብት አስተዳደር  በተመለከተ ገለፃ አድርገውላቸዋል፡፡

ስለሆነም ተማሪዎች ይህን ተቋም መጎብኘታቸው የፈጠረባቸውን ልዩ ስሜት በመግለፅ ኤጀንሲው ከዚህ የበለጠ እንዲሰራ እና የሀገሪቱን የመረጃ ሀብት እንዲጠብቅ አሳስበዋል፡፡ የኢትዮጵያ  ብሔራዊ ቤተመዛግብት እና ቤተመጻሕፍት ኤጀንሲ የሃገሪቱ መረጃ መዕከል እንደመሆኑ፣ የስነ-ፅሑፍ ኃብቶች በማሰባሰብ፣ በመጠበቅ በመንከባከብ ለጥናትና ምርምር በማዋል ነገን ዛሬ እየሰራ ያለ አንጋፋና ታሪካዊ ተቋም ነው፡፡ ከዚህ በተጨማሪ የመሰረተ ክርስቶስ ቤተ-ክርስቲያን የሰሜን አዲስ አበባ ቅርንጫፍ ተማሪዎች የኤጀንሲውን የስራ እንቅስቃሴ ጎብኝተዋል፡፡ ተማሪዎችን ለመጎብኘት ካነሳሷቸው ምክንያቶች መካከል የሃገራቸውን ታሪክ ለማወቅ ካላቸው ፍላጎት መኖር፣ የሀገርን ፖለቲካዊ ማህበራዊና ኢኮኖሚያዊ  መሰተጋብር ጠንቅቆ በማወቅ በስነ-ምግባር  የታነፀ ለመኾን በማሰብ ሲሆን በተመለከቱት ነገር እንደተደሰቱና ኩራት እንደተሰማቸው  በመግለፅ ኤጀንሲው ላመቻቸላቸው እድል  አመስግነዋል፡፡

በተመሳሳይ ከሚችጋን እስቴት ዪኒቨርሲቲ  በሚሰተር ፕሮቨስት ማርቲን ፊልበርት የተመራ የልዑካን ቡድን ነሐሴ 03 ቀን 2011 ዓ.ም የኤጀንሲውን የስራ እንቅስቃሴ ተዘዋውረው ጎብኝተዋል፡፡ ለእንግዶች ዝርዝር ማብረሪያና ገለፃ ያደረጉት የኤጀንሲው ዋና ዳይሬክተር አቶ ይኩኖአምላክ መዝገቡ በጽህፈት ቤታው እንኳን ደህና መጣችሁ በማለት ከተቀበሉ በኋላ  ስለ ኤጀንሲው ታሪካዊ ዳራ፣ ስልጣንና ዝርዝር ተግባራት፣ እንዲሁም ስላለው የኤጀንሲው ነባራዊ   ሁኔታ አካተው አብራርተዋል፡፡ በጉብኝታቸውም ከተካተቱ ዋናዋና የስራ ክፍሎች መካከል የኢትዮጵያ ጥናትና  ህግ ከምችት፣ የመዛግብትና የፅሑፍ ቅርስ ክፍል፣ የቤተ-መጻሕፍት አገልግሎት  ይገኙበታል የየስራ ክፍሎች ባለሙያዎች ስለ ስራ ክፍሎች ዝርዝር ተግባራት  ለጎብኝዎች አስረድተዋል፡፡

በተቋሙ በርካታ ታሪካዊ፣ ፖለቲካዊና  ኢኮኖሚዊ ፋይዳ ያላቸው በርካታ የመረጃ ሃብቶች  መኖራቸውን የተናገሩት ማርቲን  ፊልበርት  እነዚህን ሃብቶች በማደራጀት  በመጠበቅና በመንከባከብ እንዲሁም ለጥናትና ምርምር በማዋል  ሃገሪቱ ችግሮችን ለመፍታት ያግዛታል ብለዋል በጉብኝታቸው ወቀት፡፡ ሀገሪቱ ከአፍሪካ የራሷ ፊደል፣ ቋንቋ ባህልና ወግ ያላት ስትሆን የአፍሪካ የነፃነት ፋና ወጊና ቀደምት ስልጣኔ ባለቤት ናት፡፡ ኤጀንሲው ይህን የሚመጥን አደረጃጀት፣ አወቃቀር ቅርፅ ያለው ቤተመዛግብት እና ቤተመጻሕፍት ሊኖር ይገባል ተወዳዳሪ እንዲሆን በቴክኖሎጂ፣ በሰው ሀብት፣ አደረጃጀት እንዲሁም  ከሌሎች አቻ ተቋማት አብሮ መስራት ይጠበቅበታል ብለዋል፡፡


News Archive News Archive

— 20 Items per Page
Showing 1 - 20 of 30 results.