News News

መስከረም 6/2012 ዓ.ም. የተጀመረው የቤተመጻሕፍት ሙያ ስልጠና ተጠናቆ መስከረም 30/2012 ዓ.ም. የምርቃት ሥነ-ሥርዓት ተከናውኗል፡፡ ኤጀንሲው ለሰልጣኞቹ ደረጃውን የሚመጥን ማስረጃ /ሰርተፊኬት አበርክቷል፡፡ በሥነ ሥርዓቱ ላይ የተካፈሉ ሰልጠኞች በሥልጠናው የመጀመሪያ ደረጃ ክህሎት በማግኘታቸው የተደሰቱ መሆናቸውን ገልጸዋል፡፡

የኢትዮጵያ ብሔራዊ ቤተመዛግብትና ቤተመጻሕፍት ኤጀንሲ ከባህልና ቱሪዝም ሚኒስቴርና ከሌሎች ተጠሪ ተቋማት ጋር በመሆን ሐምሌ 1ዐ ቀን 2ዐ11 ዓ.ም በየካ ክፍለ ከተማ ቢሲና ችግኝ ጣቢያ አካባቢ ችግኝ ተክለዋል፡፡

መረጃዎች እንደሚያሳዩት ከሆነ ኢትዮጵያ የተለያዩ የደንና የተፈጥሮ ሀብት ባለቤት እንደነበረች እንደሆነች እና እነዚህም በሰው ሰራሽና ተፈጥሮ ክስተቶች እየተመናመኑ መጥተው ከፈተኛ ችግር ውስጥ እንደሆኑ ያመለክታሉ፡፡ የአየር ንብረት ለውጥ፣ ተከታታይ ድርቅና ረሃብ የሙቀት መጨመር፣ የበረሃማነት መስፋፋት፣ የተፈጥሮ ሚዛን መዛባት፣ የሙቀት መጨመር፣ ምክንያት በሰው ልጅ ሕይወት ላይ የተደቀኑ አደጋዎች ናቸው፡፡

“ከዛሬ 550 ዓመታት በፊት በነዓፄ ዘርዓ ያዕቆብ ዘመነ ንግሥና በኢትዮጵያ ሰው ሰራሽ ደንን የማጎልበት ሥራ እንደተጀመረ ቢነገርም፤ ያንን ስልጣኔ ማስቀጠል ተስኖን የዛሬውን ለሰው እና ለእንስሳት ኑሮ የማይመች አካባቢ እንድንይዝ ተገደናል” ያሉት ደግሞ አቶ ግዛት አበበ የጣብያው ከፍተኛ ባለሙ  ናቸው፡፡  ለዚህም አዲስ አለምና መናገሻ ህያው ምስክሮቻችን ናቸው ብለዋል ፡፡ “የችግሮቻችን መብዛት እና ካለፉ ስህተቶቻችን መማር አለመቻላችን ዋጋ አስከፍለውናል” ነው ያሉት፡፡

እንደ ኢትዮጵያ አይነት ሀገር የደን መመናመንና ድርቅ የሚያስከትሉት መዘዝ ትርጉሙ ብዙ ነው!!  ምክንያ/ በቀጥታም ይሁን በተዘዋዋሪ  85% የኢትዮጵያ ሕዝብ መተዳደሪያ ግብርና ሲሆን ወቅቱን የጠበቀ ዝናብና ሚዛኑን የጠበቀ የአየር ንብረት ወሳኝ የግብርና ግብአቶች ናቸው፡፡ ደኖችን መንከባከብ እና መትከል የህልውና ጉዳይና ለነገ የማይባል  የዚህ ትውልድ ኃላፊነት ነው፡፡

የኤጀንሲው ሠራተኞች ችግኝ በሚተክሉበት ወቅት እንዴት መትከል እንዳለባቸው ሰፊ መመሪያ የሰጡት አቶ ግዛት ተስፋዬ  እንዳሉት ችግኝ ስንተክል ስሩ እንዳይታጠፍ፣ መትከያ ጉድጓዱ ሲቆፈር ከችግኙ ሶስት እጥፍ እንዲሆን አድርጐ ማዘጋጀት፣ በሚተከልበት ጊዜ ግንድ ከመሬት እኩል መሆኑን ማረጋገጥና የጉድጓዱ ርዝመት ከችግኙ ከበለጠ ውሃ እንዳይዝ ማድረግ፣ ግንዱ ከመሬት እኩል እስኪሆን ድረስ ጉድጓዱን አፈር መሙላት ያስፈልጋል ብለዋል፡፡

ከዚህ በተጨማሪ ችግኙ 9ዐ ዲግሪ ቀጥ ብሎ መቆሙን ማረጋገጥ ያስፈልጋል ብለዋል፡፡ ጉድጓዱ ከመሬት ልክ አፈር ካልተሞላ ውሃ ቋጥሮ ችግኙ እንዲደርቅ ስለሚያደርገው በጥንቃቄ አፈር መሙላቱን ማረጋገጥ ተገቢ ነው ብለዋል፡፡

ችግኝ መትከል ብቻውን ግብ አይደለም ግቡ ፀድቀው ዛፍ መሆን ሲችሉና ዛፎች እንዲጨምሩ ማድረግ ነው፡፡ ስለሆነም ገንዘብ፣ ጉልበትና ጊዜ ወጥቶባቸው ካበቃ በኋላ ለውጤት ችግሮችን ለመፍታት  እንዲውሉ ችግኞች ከተተከሉ እና ከመተከላቸው በፊት የግንዛቤ መስጫ ኘሮግራሞች  ተጠናክረው መሰጠት አለባቸው፡፡ እንዲሁም አረንጓዴ አሻራን የማኖር ቀን በሚል በአንድ ጀንበር 2 ሚሊዮን ችግኝ ለመትከል በተያዘው ዕቅድም የመስሪያ ቤቱ ሠራተኞች ገላን አካባቢ አሻራቸውን ያኖሩ መሆኑን እንገልጻለን፡፡

 


የኢትዮጵያ ብሄራዊ ቤተመዛግብት እና ቤተመጻሕፍት ኤጀንሲ በተለያዩ ትምህርት ቤት ተማሪዎች ሐምሌ 19 ቀን 2ዐ11 ዓ.ም ተጎበኘ፡፡ ኤጀንሲውን ከጎበኙ ተማሪዎች መካከል ሶስና የመጀመሪያ ና ሁለተኛ ደረጃ ትምህርት ቤት በቁጥር ወንድ 40 ሴት 29 በድምሩ 69 ናቸው፡፡ ከጎበኟቸው የስራ ክፍሎች መካከል የኢትዮጵያ ጥናት ክፍል፣ የመዛግብት ንባብ ክፍል እና የፅሁፍ ቅርስ ንባብ ክፍል ሲሆኑ የከፍሉ ሠራተኞች ስለኤጀንሲው ታሪካዊ ዳራ፣ በውስጡ ስላሉ የመዛግብት ስብስብ፣ የጽሁፍ ቅርሶች አያያዝ አጠባበቅና እንክብካቤ በተመለከተ ኤጀንሲው ስለሚሰጠው አገልግሎት የመረጃ አሰባሰብና አደረጃጀት ዘመናዊ ሪከርድ ስራ አመራርና መዛግብት አስተዳደር  በተመለከተ ገለፃ አድርገውላቸዋል፡፡

ስለሆነም ተማሪዎች ይህን ተቋም መጎብኘታቸው የፈጠረባቸውን ልዩ ስሜት በመግለፅ ኤጀንሲው ከዚህ የበለጠ እንዲሰራ እና የሀገሪቱን የመረጃ ሀብት እንዲጠብቅ አሳስበዋል፡፡ የኢትዮጵያ  ብሔራዊ ቤተመዛግብት እና ቤተመጻሕፍት ኤጀንሲ የሃገሪቱ መረጃ መዕከል እንደመሆኑ፣ የስነ-ፅሑፍ ኃብቶች በማሰባሰብ፣ በመጠበቅ በመንከባከብ ለጥናትና ምርምር በማዋል ነገን ዛሬ እየሰራ ያለ አንጋፋና ታሪካዊ ተቋም ነው፡፡ ከዚህ በተጨማሪ የመሰረተ ክርስቶስ ቤተ-ክርስቲያን የሰሜን አዲስ አበባ ቅርንጫፍ ተማሪዎች የኤጀንሲውን የስራ እንቅስቃሴ ጎብኝተዋል፡፡ ተማሪዎችን ለመጎብኘት ካነሳሷቸው ምክንያቶች መካከል የሃገራቸውን ታሪክ ለማወቅ ካላቸው ፍላጎት መኖር፣ የሀገርን ፖለቲካዊ ማህበራዊና ኢኮኖሚያዊ  መሰተጋብር ጠንቅቆ በማወቅ በስነ-ምግባር  የታነፀ ለመኾን በማሰብ ሲሆን በተመለከቱት ነገር እንደተደሰቱና ኩራት እንደተሰማቸው  በመግለፅ ኤጀንሲው ላመቻቸላቸው እድል  አመስግነዋል፡፡

በተመሳሳይ ከሚችጋን እስቴት ዪኒቨርሲቲ  በሚሰተር ፕሮቨስት ማርቲን ፊልበርት የተመራ የልዑካን ቡድን ነሐሴ 03 ቀን 2011 ዓ.ም የኤጀንሲውን የስራ እንቅስቃሴ ተዘዋውረው ጎብኝተዋል፡፡ ለእንግዶች ዝርዝር ማብረሪያና ገለፃ ያደረጉት የኤጀንሲው ዋና ዳይሬክተር አቶ ይኩኖአምላክ መዝገቡ በጽህፈት ቤታው እንኳን ደህና መጣችሁ በማለት ከተቀበሉ በኋላ  ስለ ኤጀንሲው ታሪካዊ ዳራ፣ ስልጣንና ዝርዝር ተግባራት፣ እንዲሁም ስላለው የኤጀንሲው ነባራዊ   ሁኔታ አካተው አብራርተዋል፡፡ በጉብኝታቸውም ከተካተቱ ዋናዋና የስራ ክፍሎች መካከል የኢትዮጵያ ጥናትና  ህግ ከምችት፣ የመዛግብትና የፅሑፍ ቅርስ ክፍል፣ የቤተ-መጻሕፍት አገልግሎት  ይገኙበታል የየስራ ክፍሎች ባለሙያዎች ስለ ስራ ክፍሎች ዝርዝር ተግባራት  ለጎብኝዎች አስረድተዋል፡፡

በተቋሙ በርካታ ታሪካዊ፣ ፖለቲካዊና  ኢኮኖሚዊ ፋይዳ ያላቸው በርካታ የመረጃ ሃብቶች  መኖራቸውን የተናገሩት ማርቲን  ፊልበርት  እነዚህን ሃብቶች በማደራጀት  በመጠበቅና በመንከባከብ እንዲሁም ለጥናትና ምርምር በማዋል  ሃገሪቱ ችግሮችን ለመፍታት ያግዛታል ብለዋል በጉብኝታቸው ወቀት፡፡ ሀገሪቱ ከአፍሪካ የራሷ ፊደል፣ ቋንቋ ባህልና ወግ ያላት ስትሆን የአፍሪካ የነፃነት ፋና ወጊና ቀደምት ስልጣኔ ባለቤት ናት፡፡ ኤጀንሲው ይህን የሚመጥን አደረጃጀት፣ አወቃቀር ቅርፅ ያለው ቤተመዛግብት እና ቤተመጻሕፍት ሊኖር ይገባል ተወዳዳሪ እንዲሆን በቴክኖሎጂ፣ በሰው ሀብት፣ አደረጃጀት እንዲሁም  ከሌሎች አቻ ተቋማት አብሮ መስራት ይጠበቅበታል ብለዋል፡፡


በእርግጥ ትንሽ ትመስላለች በአዋሽ መልካሳ ወጣቶች የተከፈተችው ቤተ መጻሕፍት ነገር ግን ትልቅ ራዕይ የሰነቁ ለያዙት ዓላማም የጨከኑ አንባቢ ወጣቶች ባለትልቅ ተስፋ ነገዋ እጅግ የገዘፈ እንደሆነ እሙን። 2006 የነገው ተስፋ በሚል ስም ተመሰረተች። 20 አባላትን አቅፋ መጻሕፍት ታስነብባለች ወጣቱን እውቀት እየመገበች ስታሳድግ እነሆ ዛሬ 5 ዓመት ሞላት። መስራቾቹ ባለራዕይዎች በቤተሰብ ጥገኝነት የሚኖሩ ተማሪዎች ናቸው።የንባብ ቤቱን ኪራይ ከቤተሰብ በሚያገኟት የሻይ በየወሩ እያዋጡ ይከፍላሉ።የታሪካዊዋን ከተማ ሕዝብ የንባብ ባህል ማሳደግ ዓላማቸው ነውና መጽሐፍትን ለምነው ያሰባስባሉ። ስለንባብ ጠቀሜታ በትምህርት ቤቶችና በተገኘው አጋጣሚ ሁሉ ሕዝቡን ያስተምራሉ።

ወጣቶቹ ምንም ዓይነት ችግር ካሰቡት ወደኋላ ሊመልሳቸው እንደማይችል ይናገራሉ። "ትውልድ ሳይገነባ ሀገር ገንብተን ተቸግረናል" እናም ትውልዱን መገንባት ግባችን ነው ከሰው በላይ ምንም የለም ይላሉ። እንዲህ ነው ወጣትነት ያስብላል። ነሐሴ 9/2011ዐዓ "ለንባብ እንተጋለን" በሚል መሪ ቃል ያዘጋጁት የውይይት መድረክ ላይ ተገኝተን ቁርጠኝነታቸውን ታዘብን። በንባብና በመጽሐፍት ድርሰት አንቱ የተባሉ አንጋፋ ደራሲያን ልምድና ተሞክሯቸውን እንዲሁም ምክራቸውን ለግሰዋቸዋል። ብሔራዊ ቤተመዛግብትና ቤተመጻሕፍት ኤጀንሲም 797 በላይ መጻሕፍትን 100 000 ብር የሚገመት በመግዛት አበርክቶላቸዋል። የኤጀንሲው ዋና ዳይሬክተር አቶ ይኩኖአምላክ መዝገቡ የወጣቶቹን ቁርጠኝነት አድንቀው በምክራቸው አበረታተዋል። የከተማው ከንቲባና አስተዳደርም በሚያስፈልጋቸው ሁሉ ከጎናቸው እንዲሆንና ጥያቄያቸውንም በአጭርና በረጅም ጊዜ እንዲመልስላቸው አሳስበዋል። የከተማው ከንቲባ አቶ ገነ ጎሌም ወጣቶቹን አመስግነው የንባብ ቦታና ቤት እንደሚያሟሉ ቃል ገብተዋል። እነዚህን ወጣቶች ሁላችንም በርቱ ልንላቸውና እኛም ትውልድን ለመገንባት ድርሻችንን ልንወጣ ይገባል


12ኛው የሰንደቅ ዓላማ ቀን "ሰንደቅ ዓላማችን የብዝሀነታችን ድምር ውጤትና የአንድነታችን ምሰሶ ነው" በሚል መሪ ቃል ሰኞ ጥቅምት 03 ቀን 2012 ዓ.ም በኢትዮጵያ ብሔራዊ ቤተመዛግብትና ቤተመጻህፍት ኤጀንሲ አመራር አባላትና መላው ሰራተኞች የሀገራችንን ብሔራዊ መዝሙር በመዘመርና ሰንደቅ ዓላማችንን በመስቀል ተከብሯል፡፡ የኤጀንሲው ዋና ዳይሬክተር አቶ ይኩኖአምላክ መዝገቡ ሰንደቅ ዓላማችንን ከፖሊስ ሰራዊት አባላት እጅ በክብር ተረክበው እንዲሰቀል በማድረግ ነበር የተከበረው፡፡

News Archive News Archive

Back

ለመቐለ ማረሚያ ቤት የመጽሐፍ ልገሳ ተደረገ

የኢትዮጵያ ብሔራዊ ቤተ-መዛግብትና ቤተ-መጻሕፍት ኤጀንሲ ከትግራይ ክልል ባህልና ቱሪዝም ቢሮ እና ከመቐለ ከተማ ማረሚያ ቤቶች አስተዳደር ጋር በመተባበር “በመጻሕፍት እንታረም በሚል መሪ ቃል ሰኔ 21/20011ዓ.ም በመቀሌከተማ ማረሚያ ቤት ተካሂዷል፡፡

ለመቐለው ዝግጅት ጉዞውን ሰኔ አስራ ዘጠኝ ወደ መቐለ ያደረገው ቡድን በሰኔ ሃያ አንድ ዝግጅቱን በመቀሌ ማረሚያ ቤት ጀምሯል፡፡

በዝግጅቱሙ የእንኳን ደህና መጣችሁ ንግግር በኮማንደር ትበርዝ ሲደረግ የመክፈቻ ንግግር በኤጀንሲው የኢትዮጵያ ጥንትና ህግ ክምችት ዳይሬክቶሬት ዳይሬክተር በወ/ሮ እስከዳር ግሩም የዝግጅቱ ዓላማ የንባብ ባህል በማዳበር የለማና የበለጸገ አእምሮ ያለው ዜጋ በመፍጠር ሀገርንና ወገንን የሚጠቅም ትውልድ ለማድረግ የመጽሐፍት የገበያ ትስስር በመፍጠር ለደራሲንና በዘርፉ ለሚገኙ ባለሙያዎች የልምድ ልውውጥ ለመፍጠር ነው ብለዋል፡፡

የዝግጅቱም መሐል በታራሚዎቹ የተጻፉ ትምህርት አዘል የሆኑ ሥነ-ጽሑፎች እየቀረቡ ታዳሚውን እያዝናኑ እንዲማሩ ሲያደርጓቸው ተስተውሏል፡፡

ደራሲና ተርጓሚ ኃይለመለኮት መዋዕል እና ደራሲ እየሩሳሌም ነጋ የህይወት ልምድ ተሞክሮ ቀርቦ ከታራሚዎቹ ሀሳብና አስተያየት ሲሰጥ የደራሲ ኃይመለኮት መዋዕል ጉንጉን ረጅም ልብወለድ መጽሐፍ በማረሚያ ቤቱ አለመኖሩን ታራሚዎች ጠቁመው ደራሲው እንደሚልኩላቸውና ማንበብ እንደሚችሉ ገልጸውላቸው አምስት ከእንግሊዝኛ ወደ አማርኛ በደራሲ ኃይለመለኮት የተተረጎመ የዊሊያም ሼክስፒር “ኦቴሎ” ቲያትር መጻሕፍትም ለማረሚያ ቤቱ ደራሲው አበርክተዋል፡፡

በዕለቱም በፌደራል ማረሚያ ቤቶች አስተዳደር በተሀድሶና ልማት ዘርፍ በትምህርትና ስልጠና ዳይሬክተር የትምህርትና ስልጠና ከፍተኛ ባለሙያ አቶ ተስፋዬ ተከተል ለታራሚዎቹ ሲናገሩ ይህን ፕሮግራም የኢትዮጵያ ብሔራዊ ቤተ-መጻሕፍትና ቤተ-መዛግብት ኤጀንሲ በኢትጵያ ውስጥ ላሉት የህግ ታራሚዎች መሪ ቃል አዘጋጅቶ ይህን ስራ ሊሰራ መነሳቱ የሚበረታታና ቀጣይነት እንዲኖረው ገልጸው በህግ ታራሚዎች ላይ እንዲሰራ መደረጉ ትክክለኛ እይታ ነው ምክንያቱም የህግ ታራሚው በህግ ጥላ ሥር ሆኖ የሚኖር ዜጋችን ነው በፍርድ ቤት ውሳኔ ለረጅም ዓመት በማረሚያ ቤት ሊቆዩ የሚችሉ ታራሚዎች ይኖራሉ ለእነዚህ የህግ  ታራሚዎች በወቅቱ ያሉትን የውጭ እባ የሀገር ውስጥ የተሰሩ እና እየተሰሩ ያሉትን ሁኔታዎች ከሚድያ ቴክኖሎጂ ውጪ የሚያስተዋውቋቸው የተለያዩ መጽሐፍትን በማንበብና በማወቅ በመሆኑ እንደፌደራል ማረሚያ ቤቶች አስተዳደር ስድስት ማረሚያ ቤቶች እንዳሉና በሁሉም ማረሚያ ቤቶች ታራሚዎች ተደራጅተው የራሳቸውን ገቢ እንዲያገኑ በማድረግ በተለያዩ ስልጠናዎች በማሰልጠንና በማስተማር አገልግሎት እየተሰጠ መሆኑን ገልጸው በማረሚያ ቤቶች ሁሉ የሚገኙትን ለማሳተፍ እንደማይቻልና ምክንያቱም ያሉት የህግ ታራሚዎች ማንበብ መጻፍ ማስላት ከማይችን ጀምሮ እስከ ሁለተኛ ዲግሪ ያላቸው በመሆኑ በተለያ ስልጠናዎች ላይ ማሣተፍ ያልተቻለው የህግ ታራሚዎች በየታራሚው መምሪያ ዞን ቤተ-መጻሕፍት ተከፍቶ የንባብ እና የውይይት አገልግሎት በመስጠት የተለያ መጻሕፍቶችን በማንበብ እትሙን በማጎልበት አገልግሎት እየሰጡ እንደሚገኙ ተናግረዋል፡፡

እንደዚህ አይነት ተግባር ከዚህ በፊት በእነርሱም በዝዋይ ማረሚያ ቤት የንባብ ቀን የመጽሐፍት አውደርዕይ በማዘጋጀት አምስት መቶ ስልሳ መጻሕፍት የማበርከት ስራ መሰራቱን ገልጸው አሁንም ታዲያ ይህ መጽሐፍ ከኤጀንሲው መበርከቱ ታራሚዎቹ መጻሕፍቶችን በማንበብ አቅማቸውን እና እውቀታቸውን በማዳበር ያጠፉትን እና የበደሉትን ማህበረሰብ ይቅርታ በመጠየቅና በመፀፀት ለሀገሩና ለወገኑ የሚያስብ ዜጋ ማፍራት ስለሚቻል ፕሮግራሙ ለግዜው ብቻ ሳይሆን ቀጣይነት ባለው መልኩ በየዓመቱ መሰራት እንዳለበት ተናግረዋል፡፡

አክለውም በማረሚያ ቤት ውስጥ ያሉት መጻሕፍቶች ውስን በመሆናቸው አንዳንድ ታራሚዎች አንዱን መጽሐፍ ሁለትና ሶስት ግዜ እንዳነበቡት አስተያየት ሲሰጡ ሰምተናልና እኛም እንደፌደራል ማረሚያ ቤቶች አስተዳደር አዲስ እየተገነቡ ባሉ ማረሚያ ቦች ደረጃውን የጠበቀ ቤተ-መጻሕፍት ለማደራጀት በመሰራት ላይ እንደሚገኙ ተናግረው ከብሔራዊ ቤተ-መጻሕፍትና ቤተ-መዛግብት ኤጀንሲ ጋርም በጋራ እየተሰራ ያለው ነገር ተጠናክሮ መቀጠል እንደሚገባው ምክንያቱም ሁለቱም ተቋማቶች ሀገራዊ ግዴታ ያለባቸው መሆኑንም ተናግረዋል፡፡

የተለያዩ የክፍልና የትምህርት ደረጃ የያዙ ሶስት መቶ አርባ አንድ መጻሕት ለማረሚያ ቤቱ ተወካይ ሲሰጥ በእለቱ በሥነ-ጽሑፍ ዘርፍ ለተወዳደሩ አምስት ታራሚዎች መጻሕፍት ፤ ኤጀንሲው ለማረሚያ ቤቱ ያዘጋጀውን የምስጋና ምስክር ወረቀት ከኤጀንሲው የስልጠናና ጥናት ምርምር ዳይሬክቶሬት  ዳይሬክተሩ ከአቶ መኰንን ከፈለ እጅ ተበርክቶላቸዋል፡፡

የትግራይ ክልል ባህልና ቱሪዝም ቢሮ ተወካይ እና የባህል ልማት አስተባባሪ አቶ ዳዊት ትከቦ የዝግጅቱን ዓላማና በክልሉ መካሄዶ ያለውን ጠቀሜታ አስመልክቶ ለታሪሚዎቹ በመንገር ዝግጅቱ ተጠናቋል፡፡

 

በመጨረሻም ከታራሚዎቹ መካከል ያነጋገርናቸው ታራሚ መ/ር ሞገስ ካልሃይ እና ታራሚ አዜብ እንደተናገሩት በትምህርት ቤቶችና ሰዎች በሚሰበሰቡበት ቦታ በርካታ ቤተ-መጻሕፍቶች አሉ በማረሚያ ቤት ግን ስለማይኖር ማረሚያ ቤት ያለው ታራሚ ገዝቶ ለማንበብ ፍላጎቱም የለውም ታራሚው ተስፋ የመቁረጥ ነገር ስለሚታይበት ዓለምን ለማወቅ ደግሞ መረጃ ሀብት ነው ስለዚህ ቤተ-መጻሕፍት በማረሚያ ቤት መኖሩ በርካታ ሰው እንዲያነብና ቀድሞ የነበረውን አስተሳሰቡን እንዲቀይር ይረዳዋል ሴቶች እንደወንዶቹ እንዲያነቡም እድል ይፈጥራል ሌላው እንደዚህ ደራሲያን ከታራሚዎች ር በሚቀራረቡበት ወቅት ከህይወት ተሞክሯቸው ውጪ መጻሕፍቶችን ለማረሚያ ቤቱ ስለሚለግሱና አንባቢ እንዲፈጠር ስለሚያደርጉ ይህ ስራ በኤጀንሲውና በማረሚያ ቤቱ ተጠናክሮ ቢሰራ በማለት ተናግረዋል፡፡

የማህበረሰቡን የንባብ ባህል ለማዳበር የንባብ ሳምንት ተካሄደ፡፡

የኢትዮጵያ ብሔራዊ ቤተ-መዛግብትና ቤተ-መጻሕፍት ኤጀንሲ ከትግራይ ክልል ባህልና ቱሪዝም ቢሮ ጋር በመተባበር የማህበረሰቡን የንባብ ባህል ለማዳበር “ክረም ተ መጻሕፍት ” በሚል መሪ ቃል ሰኔ 22 /20011ዓ.ም በመቐለ ከተማ በእንድራእሲ ሎጅ የንባብ ሳምንት ሲካሄድ በዝግጅቱም ላይ በርካታ ታዳሚዎች ተገኝተዋል፡፡

 

በዝግጅቱም መጀመሪያ በአቶ ግርማይ ፍሮዝ የሚያሰለጥነው የወወክማ መቐለ የሙዚቃ ቡድን ባህላዊ ውዝዋዜ አቅርቦ የእንኳን ደህና መጣችሁ ንግግር በተወካይ በአቶ ዩናስ ከተደረገ በኃላ የመክፈቻ ንግግር በኤጀንሲው ዋና ዳይሬክተር በአቶ ይኩኖአምላክ መዝገቡ ሲደረግ የዝግጅቱን ዓላማ፣መሪቃሉንና በክልሉ አጠቃላይ 1200 መጽሐፍት እንደተሰጠ ተናግረው እነዚህ መጻሕፍቶች ተማሪውም ሆነ ማህበረሰቡ በማንበብ እራሱንና ሀገሩን መለወጥ ይኖርበታል በማለት አበክረው ተናግረዋል፡፡

 

የደራሲ ኃይለመለኮት መዋዕልና  የደራሲ እየሩሳሌም ነጋ የህይወት ተሞክሮ አስተማሪ በሆነ መልኩ ለታዳሚ ቀርቧል፡፡በዝግጅቱም ደራሲ እየሩሳሌም ነጋ ህጻን ሶሊያና ባቀረበችው ግጥም ተማርካ በእርስዋ የተፃፉ የልጆች መጻሕፍትን ለወወክማ መቐለ በስጦታ እንደምታበረክት ቃል ገብታለች፡፡

 

በመቀጠልም ጅማሮው ላይ ሲያዝናና የነበረው ወወክማ መቐለ የሙዚቃ ቡድን ንባብ ላይ ያተኮሩ በርካታ ግጥሞችን፣መነባንቦችንና አጭር ድራማ በማቅረብ ታዳሚውን አዝናንቷል፡፡

ከኤጀንሲው ዋና ዳይሬክተር ከአቶ ይኩኖአምላክ እጅ ታዳሚውን በግጥምና በስነ-ፅሑፍ ላዝናኑት የመቐለ ወወክማ የሙዚቃ ቡድንና ለቡድኑ መሪ ለአቶ ግርማይ መጻሕፍት ሲበረከት በጋራ ለማዘጋጀት እቅዱን ቢያቅድም ብዙም በኃላፊነት ሥራዬ ነው ብሎ መስራት ላልደፈረው የክልሉ ባህልና ቱሪዝም ቢሮ የምስጋና ምስክር ወረቀት በማበርከት ዝግጅቱ ተጠናቋል፡፡