News News

መስከረም 6/2012 ዓ.ም. የተጀመረው የቤተመጻሕፍት ሙያ ስልጠና ተጠናቆ መስከረም 30/2012 ዓ.ም. የምርቃት ሥነ-ሥርዓት ተከናውኗል፡፡ ኤጀንሲው ለሰልጣኞቹ ደረጃውን የሚመጥን ማስረጃ /ሰርተፊኬት አበርክቷል፡፡ በሥነ ሥርዓቱ ላይ የተካፈሉ ሰልጠኞች በሥልጠናው የመጀመሪያ ደረጃ ክህሎት በማግኘታቸው የተደሰቱ መሆናቸውን ገልጸዋል፡፡

የኢትዮጵያ ብሔራዊ ቤተመዛግብትና ቤተመጻሕፍት ኤጀንሲ ከባህልና ቱሪዝም ሚኒስቴርና ከሌሎች ተጠሪ ተቋማት ጋር በመሆን ሐምሌ 1ዐ ቀን 2ዐ11 ዓ.ም በየካ ክፍለ ከተማ ቢሲና ችግኝ ጣቢያ አካባቢ ችግኝ ተክለዋል፡፡

መረጃዎች እንደሚያሳዩት ከሆነ ኢትዮጵያ የተለያዩ የደንና የተፈጥሮ ሀብት ባለቤት እንደነበረች እንደሆነች እና እነዚህም በሰው ሰራሽና ተፈጥሮ ክስተቶች እየተመናመኑ መጥተው ከፈተኛ ችግር ውስጥ እንደሆኑ ያመለክታሉ፡፡ የአየር ንብረት ለውጥ፣ ተከታታይ ድርቅና ረሃብ የሙቀት መጨመር፣ የበረሃማነት መስፋፋት፣ የተፈጥሮ ሚዛን መዛባት፣ የሙቀት መጨመር፣ ምክንያት በሰው ልጅ ሕይወት ላይ የተደቀኑ አደጋዎች ናቸው፡፡

“ከዛሬ 550 ዓመታት በፊት በነዓፄ ዘርዓ ያዕቆብ ዘመነ ንግሥና በኢትዮጵያ ሰው ሰራሽ ደንን የማጎልበት ሥራ እንደተጀመረ ቢነገርም፤ ያንን ስልጣኔ ማስቀጠል ተስኖን የዛሬውን ለሰው እና ለእንስሳት ኑሮ የማይመች አካባቢ እንድንይዝ ተገደናል” ያሉት ደግሞ አቶ ግዛት አበበ የጣብያው ከፍተኛ ባለሙ  ናቸው፡፡  ለዚህም አዲስ አለምና መናገሻ ህያው ምስክሮቻችን ናቸው ብለዋል ፡፡ “የችግሮቻችን መብዛት እና ካለፉ ስህተቶቻችን መማር አለመቻላችን ዋጋ አስከፍለውናል” ነው ያሉት፡፡

እንደ ኢትዮጵያ አይነት ሀገር የደን መመናመንና ድርቅ የሚያስከትሉት መዘዝ ትርጉሙ ብዙ ነው!!  ምክንያ/ በቀጥታም ይሁን በተዘዋዋሪ  85% የኢትዮጵያ ሕዝብ መተዳደሪያ ግብርና ሲሆን ወቅቱን የጠበቀ ዝናብና ሚዛኑን የጠበቀ የአየር ንብረት ወሳኝ የግብርና ግብአቶች ናቸው፡፡ ደኖችን መንከባከብ እና መትከል የህልውና ጉዳይና ለነገ የማይባል  የዚህ ትውልድ ኃላፊነት ነው፡፡

የኤጀንሲው ሠራተኞች ችግኝ በሚተክሉበት ወቅት እንዴት መትከል እንዳለባቸው ሰፊ መመሪያ የሰጡት አቶ ግዛት ተስፋዬ  እንዳሉት ችግኝ ስንተክል ስሩ እንዳይታጠፍ፣ መትከያ ጉድጓዱ ሲቆፈር ከችግኙ ሶስት እጥፍ እንዲሆን አድርጐ ማዘጋጀት፣ በሚተከልበት ጊዜ ግንድ ከመሬት እኩል መሆኑን ማረጋገጥና የጉድጓዱ ርዝመት ከችግኙ ከበለጠ ውሃ እንዳይዝ ማድረግ፣ ግንዱ ከመሬት እኩል እስኪሆን ድረስ ጉድጓዱን አፈር መሙላት ያስፈልጋል ብለዋል፡፡

ከዚህ በተጨማሪ ችግኙ 9ዐ ዲግሪ ቀጥ ብሎ መቆሙን ማረጋገጥ ያስፈልጋል ብለዋል፡፡ ጉድጓዱ ከመሬት ልክ አፈር ካልተሞላ ውሃ ቋጥሮ ችግኙ እንዲደርቅ ስለሚያደርገው በጥንቃቄ አፈር መሙላቱን ማረጋገጥ ተገቢ ነው ብለዋል፡፡

ችግኝ መትከል ብቻውን ግብ አይደለም ግቡ ፀድቀው ዛፍ መሆን ሲችሉና ዛፎች እንዲጨምሩ ማድረግ ነው፡፡ ስለሆነም ገንዘብ፣ ጉልበትና ጊዜ ወጥቶባቸው ካበቃ በኋላ ለውጤት ችግሮችን ለመፍታት  እንዲውሉ ችግኞች ከተተከሉ እና ከመተከላቸው በፊት የግንዛቤ መስጫ ኘሮግራሞች  ተጠናክረው መሰጠት አለባቸው፡፡ እንዲሁም አረንጓዴ አሻራን የማኖር ቀን በሚል በአንድ ጀንበር 2 ሚሊዮን ችግኝ ለመትከል በተያዘው ዕቅድም የመስሪያ ቤቱ ሠራተኞች ገላን አካባቢ አሻራቸውን ያኖሩ መሆኑን እንገልጻለን፡፡

 


የኢትዮጵያ ብሄራዊ ቤተመዛግብት እና ቤተመጻሕፍት ኤጀንሲ በተለያዩ ትምህርት ቤት ተማሪዎች ሐምሌ 19 ቀን 2ዐ11 ዓ.ም ተጎበኘ፡፡ ኤጀንሲውን ከጎበኙ ተማሪዎች መካከል ሶስና የመጀመሪያ ና ሁለተኛ ደረጃ ትምህርት ቤት በቁጥር ወንድ 40 ሴት 29 በድምሩ 69 ናቸው፡፡ ከጎበኟቸው የስራ ክፍሎች መካከል የኢትዮጵያ ጥናት ክፍል፣ የመዛግብት ንባብ ክፍል እና የፅሁፍ ቅርስ ንባብ ክፍል ሲሆኑ የከፍሉ ሠራተኞች ስለኤጀንሲው ታሪካዊ ዳራ፣ በውስጡ ስላሉ የመዛግብት ስብስብ፣ የጽሁፍ ቅርሶች አያያዝ አጠባበቅና እንክብካቤ በተመለከተ ኤጀንሲው ስለሚሰጠው አገልግሎት የመረጃ አሰባሰብና አደረጃጀት ዘመናዊ ሪከርድ ስራ አመራርና መዛግብት አስተዳደር  በተመለከተ ገለፃ አድርገውላቸዋል፡፡

ስለሆነም ተማሪዎች ይህን ተቋም መጎብኘታቸው የፈጠረባቸውን ልዩ ስሜት በመግለፅ ኤጀንሲው ከዚህ የበለጠ እንዲሰራ እና የሀገሪቱን የመረጃ ሀብት እንዲጠብቅ አሳስበዋል፡፡ የኢትዮጵያ  ብሔራዊ ቤተመዛግብት እና ቤተመጻሕፍት ኤጀንሲ የሃገሪቱ መረጃ መዕከል እንደመሆኑ፣ የስነ-ፅሑፍ ኃብቶች በማሰባሰብ፣ በመጠበቅ በመንከባከብ ለጥናትና ምርምር በማዋል ነገን ዛሬ እየሰራ ያለ አንጋፋና ታሪካዊ ተቋም ነው፡፡ ከዚህ በተጨማሪ የመሰረተ ክርስቶስ ቤተ-ክርስቲያን የሰሜን አዲስ አበባ ቅርንጫፍ ተማሪዎች የኤጀንሲውን የስራ እንቅስቃሴ ጎብኝተዋል፡፡ ተማሪዎችን ለመጎብኘት ካነሳሷቸው ምክንያቶች መካከል የሃገራቸውን ታሪክ ለማወቅ ካላቸው ፍላጎት መኖር፣ የሀገርን ፖለቲካዊ ማህበራዊና ኢኮኖሚያዊ  መሰተጋብር ጠንቅቆ በማወቅ በስነ-ምግባር  የታነፀ ለመኾን በማሰብ ሲሆን በተመለከቱት ነገር እንደተደሰቱና ኩራት እንደተሰማቸው  በመግለፅ ኤጀንሲው ላመቻቸላቸው እድል  አመስግነዋል፡፡

በተመሳሳይ ከሚችጋን እስቴት ዪኒቨርሲቲ  በሚሰተር ፕሮቨስት ማርቲን ፊልበርት የተመራ የልዑካን ቡድን ነሐሴ 03 ቀን 2011 ዓ.ም የኤጀንሲውን የስራ እንቅስቃሴ ተዘዋውረው ጎብኝተዋል፡፡ ለእንግዶች ዝርዝር ማብረሪያና ገለፃ ያደረጉት የኤጀንሲው ዋና ዳይሬክተር አቶ ይኩኖአምላክ መዝገቡ በጽህፈት ቤታው እንኳን ደህና መጣችሁ በማለት ከተቀበሉ በኋላ  ስለ ኤጀንሲው ታሪካዊ ዳራ፣ ስልጣንና ዝርዝር ተግባራት፣ እንዲሁም ስላለው የኤጀንሲው ነባራዊ   ሁኔታ አካተው አብራርተዋል፡፡ በጉብኝታቸውም ከተካተቱ ዋናዋና የስራ ክፍሎች መካከል የኢትዮጵያ ጥናትና  ህግ ከምችት፣ የመዛግብትና የፅሑፍ ቅርስ ክፍል፣ የቤተ-መጻሕፍት አገልግሎት  ይገኙበታል የየስራ ክፍሎች ባለሙያዎች ስለ ስራ ክፍሎች ዝርዝር ተግባራት  ለጎብኝዎች አስረድተዋል፡፡

በተቋሙ በርካታ ታሪካዊ፣ ፖለቲካዊና  ኢኮኖሚዊ ፋይዳ ያላቸው በርካታ የመረጃ ሃብቶች  መኖራቸውን የተናገሩት ማርቲን  ፊልበርት  እነዚህን ሃብቶች በማደራጀት  በመጠበቅና በመንከባከብ እንዲሁም ለጥናትና ምርምር በማዋል  ሃገሪቱ ችግሮችን ለመፍታት ያግዛታል ብለዋል በጉብኝታቸው ወቀት፡፡ ሀገሪቱ ከአፍሪካ የራሷ ፊደል፣ ቋንቋ ባህልና ወግ ያላት ስትሆን የአፍሪካ የነፃነት ፋና ወጊና ቀደምት ስልጣኔ ባለቤት ናት፡፡ ኤጀንሲው ይህን የሚመጥን አደረጃጀት፣ አወቃቀር ቅርፅ ያለው ቤተመዛግብት እና ቤተመጻሕፍት ሊኖር ይገባል ተወዳዳሪ እንዲሆን በቴክኖሎጂ፣ በሰው ሀብት፣ አደረጃጀት እንዲሁም  ከሌሎች አቻ ተቋማት አብሮ መስራት ይጠበቅበታል ብለዋል፡፡


በእርግጥ ትንሽ ትመስላለች በአዋሽ መልካሳ ወጣቶች የተከፈተችው ቤተ መጻሕፍት ነገር ግን ትልቅ ራዕይ የሰነቁ ለያዙት ዓላማም የጨከኑ አንባቢ ወጣቶች ባለትልቅ ተስፋ ነገዋ እጅግ የገዘፈ እንደሆነ እሙን። 2006 የነገው ተስፋ በሚል ስም ተመሰረተች። 20 አባላትን አቅፋ መጻሕፍት ታስነብባለች ወጣቱን እውቀት እየመገበች ስታሳድግ እነሆ ዛሬ 5 ዓመት ሞላት። መስራቾቹ ባለራዕይዎች በቤተሰብ ጥገኝነት የሚኖሩ ተማሪዎች ናቸው።የንባብ ቤቱን ኪራይ ከቤተሰብ በሚያገኟት የሻይ በየወሩ እያዋጡ ይከፍላሉ።የታሪካዊዋን ከተማ ሕዝብ የንባብ ባህል ማሳደግ ዓላማቸው ነውና መጽሐፍትን ለምነው ያሰባስባሉ። ስለንባብ ጠቀሜታ በትምህርት ቤቶችና በተገኘው አጋጣሚ ሁሉ ሕዝቡን ያስተምራሉ።

ወጣቶቹ ምንም ዓይነት ችግር ካሰቡት ወደኋላ ሊመልሳቸው እንደማይችል ይናገራሉ። "ትውልድ ሳይገነባ ሀገር ገንብተን ተቸግረናል" እናም ትውልዱን መገንባት ግባችን ነው ከሰው በላይ ምንም የለም ይላሉ። እንዲህ ነው ወጣትነት ያስብላል። ነሐሴ 9/2011ዐዓ "ለንባብ እንተጋለን" በሚል መሪ ቃል ያዘጋጁት የውይይት መድረክ ላይ ተገኝተን ቁርጠኝነታቸውን ታዘብን። በንባብና በመጽሐፍት ድርሰት አንቱ የተባሉ አንጋፋ ደራሲያን ልምድና ተሞክሯቸውን እንዲሁም ምክራቸውን ለግሰዋቸዋል። ብሔራዊ ቤተመዛግብትና ቤተመጻሕፍት ኤጀንሲም 797 በላይ መጻሕፍትን 100 000 ብር የሚገመት በመግዛት አበርክቶላቸዋል። የኤጀንሲው ዋና ዳይሬክተር አቶ ይኩኖአምላክ መዝገቡ የወጣቶቹን ቁርጠኝነት አድንቀው በምክራቸው አበረታተዋል። የከተማው ከንቲባና አስተዳደርም በሚያስፈልጋቸው ሁሉ ከጎናቸው እንዲሆንና ጥያቄያቸውንም በአጭርና በረጅም ጊዜ እንዲመልስላቸው አሳስበዋል። የከተማው ከንቲባ አቶ ገነ ጎሌም ወጣቶቹን አመስግነው የንባብ ቦታና ቤት እንደሚያሟሉ ቃል ገብተዋል። እነዚህን ወጣቶች ሁላችንም በርቱ ልንላቸውና እኛም ትውልድን ለመገንባት ድርሻችንን ልንወጣ ይገባል


12ኛው የሰንደቅ ዓላማ ቀን "ሰንደቅ ዓላማችን የብዝሀነታችን ድምር ውጤትና የአንድነታችን ምሰሶ ነው" በሚል መሪ ቃል ሰኞ ጥቅምት 03 ቀን 2012 ዓ.ም በኢትዮጵያ ብሔራዊ ቤተመዛግብትና ቤተመጻህፍት ኤጀንሲ አመራር አባላትና መላው ሰራተኞች የሀገራችንን ብሔራዊ መዝሙር በመዘመርና ሰንደቅ ዓላማችንን በመስቀል ተከብሯል፡፡ የኤጀንሲው ዋና ዳይሬክተር አቶ ይኩኖአምላክ መዝገቡ ሰንደቅ ዓላማችንን ከፖሊስ ሰራዊት አባላት እጅ በክብር ተረክበው እንዲሰቀል በማድረግ ነበር የተከበረው፡፡

News Archive News Archive

Back

የሀረማያ ዩኒቨርሲቲ ተማሪዎች ኤጀንሲውን ጎበኙ

መጋቢት 12/2011 ዓ.ም በአረማያ ዩኒቨርሲቲ የኢንፎርሜሽን ሳይንስ የሶስተኛ ዓመት ተመራቂ ተማሪዎችወንድ 39/ሰላሳ ዘጠኝ/ ሴት 8 /ስምንት/ በድምሩ /47/አርባ ሰባት ተማሪዎች የኤጀንሲውን ላይብረሪዎች ጎበኙ፡፡ ተማሪዎቹ በመጀመሪያ በህዝብና ዓለም ዓቀፍ ግንኙነት ዳይሬክቶሬት ዳይሬክተር  አቶ ሽመልስ ታዬ ተቋሙ የሚሰጣቸውን አገልግሎቶች አጠቃላይ ዝርዝር ከተገለፀላቸው በኃላ ለመጡበት ዓላማ ፍንጭ ይሰጣቸዋል በማለት የተዘጋጀ ብሮሸርና መፅሔት ተሰጥቷቸው ወደመጡበት ጉዳይ ተራ በተራ በየክፍሎቹ እየገቡ እንዲጎበኙ የማድረግ ስራ ተሰርቷል፡፡

ተማሪዎቹ በመጀመሪያ እንዲገቡ የተደረገው ወደመዛግብት ወደተባለው የስራ ክፍል ነበርና በክፍሉም ቀድሞ በባለሙያው ጥቂት ገለፃከተደረገ በኃላ በመዛግብት ንባብ አገልግሎት አሰጣጥ ቡድን መሪ በሆኑት በአቶ አብይ ሀይሉ የመዛግብትን ምንነት ከሳይንሳዊው ትርጓሜው ጀምሮ ተቋሙ እንዴት እየሰራ እንደሚገኝ ሰፊ ገለፃ ተሰጥቶ ተማሪዎቹም ጥያቄ አንስተዋል ከጥያቄዎቹም የተደራጀው የመዛግብት ብዛት ምን ያህል ነው? በክፍሉ ያለውን የአየር ሁኔታ በምንና እንዴት ነው የምትቆጣጠሩት? የሚሉ ጥያቄዎች ተነስተው ቡድን መሪውም ምላሽ ሰጥተዋል፡፡

በመቀጠልም በኢትዮጵያ ጥናት ዳይሬክቶሬት ዳይሬክተርየቀረፀ ድምፅና ላይብረሪ ክፍል ገብተውም እዛም ጠለቅ ያለ መረጃ ከክፍሉ ዓለም አቀፍ ደረጃውን የጠበቀ የህትመት መፅሐፍ /ISBN/ ከፍተኛ ባለሙያ ወ/ሮ ቅድስትጌታቸው ግንዛቤ ተሰጥቷቸው ተማሪዎቹም የተለያዩ ጥያቄዎችን በግልም በግሩፕም እያነሱ ሲጠይቁ ከባለሙያዋ ያልተሰላቸ ምላሽ በመስጠት ተጠናቆ ወደ ጥንታውያን ጽሑፎች አገልግሎት ክፍል እዛም እንደቀረፀ ድምፅና ላይብረሪ ክፍልበባለሙያው አቶ ካሳይ ስሜ ኢትዮጵያ ከጥንት ጀምሮ በህክምናውም በኪነ ስነ-ጥበቡም ዘርፍ የስልጣኔ መጀመሪያ እንደሆነች ተጠቃሽ ምሳሌዎችን በመስጠትና የሚታዩ የብራና ፅሁፎችን ብርቅና ድንቅ የሆኑ የጥበብ ስራዎችን በማስጎብኘትና ሰፋ ያለ ዕውቀትን በመስጠጥ እዚህ በመምጣታችሁ ሀገራችሁን የማወቅና ለቅርሶቻችን መጠበቅ እኔም ያገባኛል የሚለው ስሜትን ይጭርባችኃል ቅርሶች ተጠብቀው ለትውልድ መቆየታቸው መጪው ትውልድ ከማንነት ጥያቄ ውስጥ እንዳይገባ ይረዳዋልና ቅርሶችን መጠበቅ ለአንድ አካል ብቻ የሚተው ሳይሆን የሁሉም ኢትዮጵያውያን ድርሻ ሊሆን እንደሚገባ ተናግረው ስለመጣችሁ ደስ ብሎኛል በማለት ሃሳባቸውን ጨርሰዋል፡፡

በመጨረሻም የኢትዮጵያ ጥናት ክፍልን በወፍ በረር ተመልክተው ወደማይክሮ ፊልምና ኦዲዮቪዥዋል ክፍል በቡድን መሪው በመምህር  ኃይለ ሚካኤል ጌታሁን ጥሩ ገለፃ ተሰጥቶ ጉብኝቱ ተጠናቋል፡፡

የህዝብና ዓ/ዓ/ግ/ክፍልም ለአንዳንድ ጉብኚዎች የተለያዩ ቃለ-መጠይቅ አድርጎ ነበርና ኤጀንሲው እየሰራ ያለውን ተግባር እና በየዘርፉ የሚገኙ ባለሙያዎችንም ያላቸውን ክህሎት አድንቀው በኢትዩጵያ ብቻ የሚገኙ የውጭ ዜጎች ዓይኖች ማረፊያ የሆኑ የብራና መፅሐፍቶች ከሁሉም በተለየና ከዚህ በጨመረ ከፍተኛ ጥንቃቄ ሊደረግላቸውእንደሚገባ ተናግረው አክለውም ይህ ሲባል ግን ሌሎቹ መተኪያ አላቸው አይጠበቁ ለማለት እንዳልሆነ እንዲታወቅ ገልፀው ከዚህ በተሸለ ለመስራትና ሀገራችንም እንደሌሎች እንደአደጉ ሀገሮች ለመስራት ኤጀንሲውዲጂታላይዜሽኑ አሰራርተፋጥኖ ተግባር ላይ እንዲውልም ተናግረዋል፡፡