News News

መስከረም 6/2012 ዓ.ም. የተጀመረው የቤተመጻሕፍት ሙያ ስልጠና ተጠናቆ መስከረም 30/2012 ዓ.ም. የምርቃት ሥነ-ሥርዓት ተከናውኗል፡፡ ኤጀንሲው ለሰልጣኞቹ ደረጃውን የሚመጥን ማስረጃ /ሰርተፊኬት አበርክቷል፡፡ በሥነ ሥርዓቱ ላይ የተካፈሉ ሰልጠኞች በሥልጠናው የመጀመሪያ ደረጃ ክህሎት በማግኘታቸው የተደሰቱ መሆናቸውን ገልጸዋል፡፡

የኢትዮጵያ ብሔራዊ ቤተመዛግብትና ቤተመጻሕፍት ኤጀንሲ ከባህልና ቱሪዝም ሚኒስቴርና ከሌሎች ተጠሪ ተቋማት ጋር በመሆን ሐምሌ 1ዐ ቀን 2ዐ11 ዓ.ም በየካ ክፍለ ከተማ ቢሲና ችግኝ ጣቢያ አካባቢ ችግኝ ተክለዋል፡፡

መረጃዎች እንደሚያሳዩት ከሆነ ኢትዮጵያ የተለያዩ የደንና የተፈጥሮ ሀብት ባለቤት እንደነበረች እንደሆነች እና እነዚህም በሰው ሰራሽና ተፈጥሮ ክስተቶች እየተመናመኑ መጥተው ከፈተኛ ችግር ውስጥ እንደሆኑ ያመለክታሉ፡፡ የአየር ንብረት ለውጥ፣ ተከታታይ ድርቅና ረሃብ የሙቀት መጨመር፣ የበረሃማነት መስፋፋት፣ የተፈጥሮ ሚዛን መዛባት፣ የሙቀት መጨመር፣ ምክንያት በሰው ልጅ ሕይወት ላይ የተደቀኑ አደጋዎች ናቸው፡፡

“ከዛሬ 550 ዓመታት በፊት በነዓፄ ዘርዓ ያዕቆብ ዘመነ ንግሥና በኢትዮጵያ ሰው ሰራሽ ደንን የማጎልበት ሥራ እንደተጀመረ ቢነገርም፤ ያንን ስልጣኔ ማስቀጠል ተስኖን የዛሬውን ለሰው እና ለእንስሳት ኑሮ የማይመች አካባቢ እንድንይዝ ተገደናል” ያሉት ደግሞ አቶ ግዛት አበበ የጣብያው ከፍተኛ ባለሙ  ናቸው፡፡  ለዚህም አዲስ አለምና መናገሻ ህያው ምስክሮቻችን ናቸው ብለዋል ፡፡ “የችግሮቻችን መብዛት እና ካለፉ ስህተቶቻችን መማር አለመቻላችን ዋጋ አስከፍለውናል” ነው ያሉት፡፡

እንደ ኢትዮጵያ አይነት ሀገር የደን መመናመንና ድርቅ የሚያስከትሉት መዘዝ ትርጉሙ ብዙ ነው!!  ምክንያ/ በቀጥታም ይሁን በተዘዋዋሪ  85% የኢትዮጵያ ሕዝብ መተዳደሪያ ግብርና ሲሆን ወቅቱን የጠበቀ ዝናብና ሚዛኑን የጠበቀ የአየር ንብረት ወሳኝ የግብርና ግብአቶች ናቸው፡፡ ደኖችን መንከባከብ እና መትከል የህልውና ጉዳይና ለነገ የማይባል  የዚህ ትውልድ ኃላፊነት ነው፡፡

የኤጀንሲው ሠራተኞች ችግኝ በሚተክሉበት ወቅት እንዴት መትከል እንዳለባቸው ሰፊ መመሪያ የሰጡት አቶ ግዛት ተስፋዬ  እንዳሉት ችግኝ ስንተክል ስሩ እንዳይታጠፍ፣ መትከያ ጉድጓዱ ሲቆፈር ከችግኙ ሶስት እጥፍ እንዲሆን አድርጐ ማዘጋጀት፣ በሚተከልበት ጊዜ ግንድ ከመሬት እኩል መሆኑን ማረጋገጥና የጉድጓዱ ርዝመት ከችግኙ ከበለጠ ውሃ እንዳይዝ ማድረግ፣ ግንዱ ከመሬት እኩል እስኪሆን ድረስ ጉድጓዱን አፈር መሙላት ያስፈልጋል ብለዋል፡፡

ከዚህ በተጨማሪ ችግኙ 9ዐ ዲግሪ ቀጥ ብሎ መቆሙን ማረጋገጥ ያስፈልጋል ብለዋል፡፡ ጉድጓዱ ከመሬት ልክ አፈር ካልተሞላ ውሃ ቋጥሮ ችግኙ እንዲደርቅ ስለሚያደርገው በጥንቃቄ አፈር መሙላቱን ማረጋገጥ ተገቢ ነው ብለዋል፡፡

ችግኝ መትከል ብቻውን ግብ አይደለም ግቡ ፀድቀው ዛፍ መሆን ሲችሉና ዛፎች እንዲጨምሩ ማድረግ ነው፡፡ ስለሆነም ገንዘብ፣ ጉልበትና ጊዜ ወጥቶባቸው ካበቃ በኋላ ለውጤት ችግሮችን ለመፍታት  እንዲውሉ ችግኞች ከተተከሉ እና ከመተከላቸው በፊት የግንዛቤ መስጫ ኘሮግራሞች  ተጠናክረው መሰጠት አለባቸው፡፡ እንዲሁም አረንጓዴ አሻራን የማኖር ቀን በሚል በአንድ ጀንበር 2 ሚሊዮን ችግኝ ለመትከል በተያዘው ዕቅድም የመስሪያ ቤቱ ሠራተኞች ገላን አካባቢ አሻራቸውን ያኖሩ መሆኑን እንገልጻለን፡፡

 


የኢትዮጵያ ብሄራዊ ቤተመዛግብት እና ቤተመጻሕፍት ኤጀንሲ በተለያዩ ትምህርት ቤት ተማሪዎች ሐምሌ 19 ቀን 2ዐ11 ዓ.ም ተጎበኘ፡፡ ኤጀንሲውን ከጎበኙ ተማሪዎች መካከል ሶስና የመጀመሪያ ና ሁለተኛ ደረጃ ትምህርት ቤት በቁጥር ወንድ 40 ሴት 29 በድምሩ 69 ናቸው፡፡ ከጎበኟቸው የስራ ክፍሎች መካከል የኢትዮጵያ ጥናት ክፍል፣ የመዛግብት ንባብ ክፍል እና የፅሁፍ ቅርስ ንባብ ክፍል ሲሆኑ የከፍሉ ሠራተኞች ስለኤጀንሲው ታሪካዊ ዳራ፣ በውስጡ ስላሉ የመዛግብት ስብስብ፣ የጽሁፍ ቅርሶች አያያዝ አጠባበቅና እንክብካቤ በተመለከተ ኤጀንሲው ስለሚሰጠው አገልግሎት የመረጃ አሰባሰብና አደረጃጀት ዘመናዊ ሪከርድ ስራ አመራርና መዛግብት አስተዳደር  በተመለከተ ገለፃ አድርገውላቸዋል፡፡

ስለሆነም ተማሪዎች ይህን ተቋም መጎብኘታቸው የፈጠረባቸውን ልዩ ስሜት በመግለፅ ኤጀንሲው ከዚህ የበለጠ እንዲሰራ እና የሀገሪቱን የመረጃ ሀብት እንዲጠብቅ አሳስበዋል፡፡ የኢትዮጵያ  ብሔራዊ ቤተመዛግብት እና ቤተመጻሕፍት ኤጀንሲ የሃገሪቱ መረጃ መዕከል እንደመሆኑ፣ የስነ-ፅሑፍ ኃብቶች በማሰባሰብ፣ በመጠበቅ በመንከባከብ ለጥናትና ምርምር በማዋል ነገን ዛሬ እየሰራ ያለ አንጋፋና ታሪካዊ ተቋም ነው፡፡ ከዚህ በተጨማሪ የመሰረተ ክርስቶስ ቤተ-ክርስቲያን የሰሜን አዲስ አበባ ቅርንጫፍ ተማሪዎች የኤጀንሲውን የስራ እንቅስቃሴ ጎብኝተዋል፡፡ ተማሪዎችን ለመጎብኘት ካነሳሷቸው ምክንያቶች መካከል የሃገራቸውን ታሪክ ለማወቅ ካላቸው ፍላጎት መኖር፣ የሀገርን ፖለቲካዊ ማህበራዊና ኢኮኖሚያዊ  መሰተጋብር ጠንቅቆ በማወቅ በስነ-ምግባር  የታነፀ ለመኾን በማሰብ ሲሆን በተመለከቱት ነገር እንደተደሰቱና ኩራት እንደተሰማቸው  በመግለፅ ኤጀንሲው ላመቻቸላቸው እድል  አመስግነዋል፡፡

በተመሳሳይ ከሚችጋን እስቴት ዪኒቨርሲቲ  በሚሰተር ፕሮቨስት ማርቲን ፊልበርት የተመራ የልዑካን ቡድን ነሐሴ 03 ቀን 2011 ዓ.ም የኤጀንሲውን የስራ እንቅስቃሴ ተዘዋውረው ጎብኝተዋል፡፡ ለእንግዶች ዝርዝር ማብረሪያና ገለፃ ያደረጉት የኤጀንሲው ዋና ዳይሬክተር አቶ ይኩኖአምላክ መዝገቡ በጽህፈት ቤታው እንኳን ደህና መጣችሁ በማለት ከተቀበሉ በኋላ  ስለ ኤጀንሲው ታሪካዊ ዳራ፣ ስልጣንና ዝርዝር ተግባራት፣ እንዲሁም ስላለው የኤጀንሲው ነባራዊ   ሁኔታ አካተው አብራርተዋል፡፡ በጉብኝታቸውም ከተካተቱ ዋናዋና የስራ ክፍሎች መካከል የኢትዮጵያ ጥናትና  ህግ ከምችት፣ የመዛግብትና የፅሑፍ ቅርስ ክፍል፣ የቤተ-መጻሕፍት አገልግሎት  ይገኙበታል የየስራ ክፍሎች ባለሙያዎች ስለ ስራ ክፍሎች ዝርዝር ተግባራት  ለጎብኝዎች አስረድተዋል፡፡

በተቋሙ በርካታ ታሪካዊ፣ ፖለቲካዊና  ኢኮኖሚዊ ፋይዳ ያላቸው በርካታ የመረጃ ሃብቶች  መኖራቸውን የተናገሩት ማርቲን  ፊልበርት  እነዚህን ሃብቶች በማደራጀት  በመጠበቅና በመንከባከብ እንዲሁም ለጥናትና ምርምር በማዋል  ሃገሪቱ ችግሮችን ለመፍታት ያግዛታል ብለዋል በጉብኝታቸው ወቀት፡፡ ሀገሪቱ ከአፍሪካ የራሷ ፊደል፣ ቋንቋ ባህልና ወግ ያላት ስትሆን የአፍሪካ የነፃነት ፋና ወጊና ቀደምት ስልጣኔ ባለቤት ናት፡፡ ኤጀንሲው ይህን የሚመጥን አደረጃጀት፣ አወቃቀር ቅርፅ ያለው ቤተመዛግብት እና ቤተመጻሕፍት ሊኖር ይገባል ተወዳዳሪ እንዲሆን በቴክኖሎጂ፣ በሰው ሀብት፣ አደረጃጀት እንዲሁም  ከሌሎች አቻ ተቋማት አብሮ መስራት ይጠበቅበታል ብለዋል፡፡


በእርግጥ ትንሽ ትመስላለች በአዋሽ መልካሳ ወጣቶች የተከፈተችው ቤተ መጻሕፍት ነገር ግን ትልቅ ራዕይ የሰነቁ ለያዙት ዓላማም የጨከኑ አንባቢ ወጣቶች ባለትልቅ ተስፋ ነገዋ እጅግ የገዘፈ እንደሆነ እሙን። 2006 የነገው ተስፋ በሚል ስም ተመሰረተች። 20 አባላትን አቅፋ መጻሕፍት ታስነብባለች ወጣቱን እውቀት እየመገበች ስታሳድግ እነሆ ዛሬ 5 ዓመት ሞላት። መስራቾቹ ባለራዕይዎች በቤተሰብ ጥገኝነት የሚኖሩ ተማሪዎች ናቸው።የንባብ ቤቱን ኪራይ ከቤተሰብ በሚያገኟት የሻይ በየወሩ እያዋጡ ይከፍላሉ።የታሪካዊዋን ከተማ ሕዝብ የንባብ ባህል ማሳደግ ዓላማቸው ነውና መጽሐፍትን ለምነው ያሰባስባሉ። ስለንባብ ጠቀሜታ በትምህርት ቤቶችና በተገኘው አጋጣሚ ሁሉ ሕዝቡን ያስተምራሉ።

ወጣቶቹ ምንም ዓይነት ችግር ካሰቡት ወደኋላ ሊመልሳቸው እንደማይችል ይናገራሉ። "ትውልድ ሳይገነባ ሀገር ገንብተን ተቸግረናል" እናም ትውልዱን መገንባት ግባችን ነው ከሰው በላይ ምንም የለም ይላሉ። እንዲህ ነው ወጣትነት ያስብላል። ነሐሴ 9/2011ዐዓ "ለንባብ እንተጋለን" በሚል መሪ ቃል ያዘጋጁት የውይይት መድረክ ላይ ተገኝተን ቁርጠኝነታቸውን ታዘብን። በንባብና በመጽሐፍት ድርሰት አንቱ የተባሉ አንጋፋ ደራሲያን ልምድና ተሞክሯቸውን እንዲሁም ምክራቸውን ለግሰዋቸዋል። ብሔራዊ ቤተመዛግብትና ቤተመጻሕፍት ኤጀንሲም 797 በላይ መጻሕፍትን 100 000 ብር የሚገመት በመግዛት አበርክቶላቸዋል። የኤጀንሲው ዋና ዳይሬክተር አቶ ይኩኖአምላክ መዝገቡ የወጣቶቹን ቁርጠኝነት አድንቀው በምክራቸው አበረታተዋል። የከተማው ከንቲባና አስተዳደርም በሚያስፈልጋቸው ሁሉ ከጎናቸው እንዲሆንና ጥያቄያቸውንም በአጭርና በረጅም ጊዜ እንዲመልስላቸው አሳስበዋል። የከተማው ከንቲባ አቶ ገነ ጎሌም ወጣቶቹን አመስግነው የንባብ ቦታና ቤት እንደሚያሟሉ ቃል ገብተዋል። እነዚህን ወጣቶች ሁላችንም በርቱ ልንላቸውና እኛም ትውልድን ለመገንባት ድርሻችንን ልንወጣ ይገባል


12ኛው የሰንደቅ ዓላማ ቀን "ሰንደቅ ዓላማችን የብዝሀነታችን ድምር ውጤትና የአንድነታችን ምሰሶ ነው" በሚል መሪ ቃል ሰኞ ጥቅምት 03 ቀን 2012 ዓ.ም በኢትዮጵያ ብሔራዊ ቤተመዛግብትና ቤተመጻህፍት ኤጀንሲ አመራር አባላትና መላው ሰራተኞች የሀገራችንን ብሔራዊ መዝሙር በመዘመርና ሰንደቅ ዓላማችንን በመስቀል ተከብሯል፡፡ የኤጀንሲው ዋና ዳይሬክተር አቶ ይኩኖአምላክ መዝገቡ ሰንደቅ ዓላማችንን ከፖሊስ ሰራዊት አባላት እጅ በክብር ተረክበው እንዲሰቀል በማድረግ ነበር የተከበረው፡፡

News Archive News Archive

Back

ኤጀንሲው ሰባ አምስተኛ ዓመት ጉዞውን አከበረ

ኤጀንሲው 75 ዓመት የአልማዝ ኢዮቤልዩ በዓሉንቃል ያዛልቃል!” በሚል መሪ ቃል ከሚያዝያ 23 እስከ 27/211 . አከበረ፡፡ በዝግጅቱም ጥንታዊያን የብራና መጻሕፍት አውደ ርዕይ፣ያሬዳዊ ዝማሜ (የተክሌ አቋቋም)ትዕይንት፣ግርማዊ ቀዳማዊ ኃይለሥላሴ ካበረከቷቸው መጻሕፍት ስለሁለቱ አጫጭር መግለጫዎች ማቅረብ፣የትዕይንቶች ጉብኝት፣ወግና የእራት ማዕድ፣የወመአክር የረዥም ዘመን ጉዞ፣ዐውደ መጻሕፍት ዐውደ ርዕይ ጉብኝት፣በልጅ አንባቢያን መንደር የመጻሕፍት ንባብ ውድድሮችና ሽልማቶች የኤጀንሲውን ጉዞ የሚዘክሩ የምሁራን ውይይት፣ የንባብና ቡክፌር ዝግጅት የእስል፣የአብነት ትምህርት ቤትና የመጻሕፍት አደጓጎስ ትዕይንቶች፣ለዓለማት እዝነት የነብዩ መሐመድ ታሪክ፣ገበያ ግጥም (ጉልት)ገጣሚያን ወንበር ተክለው መቀመጥ፣ግጥሞችን ይነበባሉ፣መንዙማ፣መልክዐ ትምህርት በዐረቢ የታሪክ መዛግብት፣ኢትዮጵያ በቁርአንና በሐዲስ እይታ፣ሙዚቃ በማንቺንግ ባንድ፣የአርበኞች የድል በዓል፣ግጥምን በጃዝ የተካሄዱበት ነበረ፡፡

በዕለቱ የኤጀንሲው ዋና ዳሬክተር አቶ ይኩኖአምላክ መዝገቡ በእንኳን ደህና መጣችሁ ንግግራቸው “ የቤተ-መጻሕፍት ታሪክ የደግነት ታሪክ ነው ደጋግ ጸሐፍት በብዙ ትጋት በአንክሮ ተዘክሮና ለአስተምህሮ የከተቡትን ክርታስ ሌሎች ደጋጎች በበኩላቸው ቤት ሰርተው፣መንበር አበጅተው ፣ማቶት አብርተው ትውልዱ እንዲታደምላቸው እንካችሀ ይህችን መጻሐፍ ብሉ ” ማለታቸው የህብረተሰቡ መሰረቱ ደግነት መሆኑን  ያበስረናል  ብለዋል፡፡

የብሔራዊ ቤተ-መጻሕፍት /ወመዘክር/ 75ተኛ ዓመት ስንዘክር ከዚህ በፊት በርካታ ዘመናት መጻሕፍ ጽፈው ያቆዩልንን ሊቃውንት ውለታ አብረን መዘከራችን እንዳይረሳ በአጽኖት አሳስበዋል፡፡

የባህልና ቱሪዝም ሚኒስቴር ሚኒስትር ክብርት ዶ/ር ሒሩት ካሳው በመክፈቻበንግግራቸው እንደገለፁት ኢትዮጵያ የቀደምት ስልጣኔ ፋና ወጊ ስርዓተ መንግስት፣ ቀድማ የመሠረተች የተለያዩ ሕዝቦች እና ብሔሮች አብረው የኖሩባት በርካታ ቋንቋዎችና ሃይማኖቶች ተቻችለው የሚኖሩበት የበርካታ ሰው ሰራሽና ተፈጥሯዊ ቅርሶች በርካታ ባለቤት እንደሆነች ተናግረው አያይዘውም እነዚህን እሴቶችና ቅርሶች አሰባስቦ አደራጅቶና ጠብቆ ለማቆየት የቤተ-መጻሕፍት ሚና የማይተካና ዘመን የማይሽረው ነው ብለዋል፡፡

የዛሬው የኢትዮጵያ ብሔራዊ ቤተ-መዛግብትና ቤተ-መጻሕፍት ኤጀንሲ ሚያዝያ 27 /1936 ዓ.ም በቀዳማዊ ኃይለ ስላሴ ዘመነ መንግስት በንጉሱ ተመርቆ እና መጻሕፍት ተለግሶ የተቋቋመ አንጋፋ የታሪክ ቤት ሲሆን ኤጀንሲው ሥራ ሲጀምር በዋናነት ተቋማት የሚያመነጯቸውን መረጃዎች እና ሰነዶች በማሰባሰብና በማደራጀት ለጥናትና ምርምር እንዲውል ከማድረግ ለሚቀጥለው ትውልድ እንዲተላለፍ፣ የቤተ-መጻሕፍት አገልግሎት በመስጠት ንባብ እንዲስፋፋና ባህል እንዲሆን በማድረግ ትውልዱ በምክንያት የሚያምን በሳይንስና ቴክኖሎጂ ዓለም ከደረሰበት ስልጣኔ እንዲደርስ ለማድረግና በዘመናዊ ሪከርድ አስተዳደርና መዛግብት እንዲስፋፋና እንዲሰርፅ ለማድረግ በአዋጅ የተቋቋመ  አንጋፋና ዕድሜ ጠገብ የሀገር ባለውለታ ተቋም ሲሆን

የኤጀንሲውን የ75ኛ ዓመት ጉዞ መዘከር በኤጀንሲው የሚሰጠውን አገልግሎት ጥቅም ቀድመው ተረድተው በመጠቀም ራሳቸውን በመቀየር ለሀገራቸው አስተዋፅኦ ያበረከቱ ደራሲያን፣ መምህራን፣ ገጣሚያን፣ የታሪክ ምሁራንና ሰዓሊያንን መጥቀስ የኤጀንሲውን ውለታ እንደ መዘርዘር እንደሚቆጠር ተጠቁሟል፡፡

ብሔራዊ ቤተመዛግብትና ቤተመጻሕፍት ኤጀንሲ 75ኛ ዓመት የአልማዝ ኢዮቤልዩ ዝክር ምስረታ ሲያወሳ ከተመሠረተበት ቀን አንስቶ በሰው ኃይል፣በበጀት፣በቁሳቁስና የመረጃ ሀብቶችን በማሰባሰብ ያለፈባቸው በርካታ ውጣ ውረዶች የነበሩ ሲሆን ሀገሪቱ ባለፈችባቸው የፖለቲካ ለውጦች ሁሉ ራሱን እንደ ጊዜውና ሁኔታው እያስተካከለ ዛሬ ካለበት ቅርፅና ይዘት የደረሰና ከድክመቱ እየተማረ ጥንካሬውን እያሻሻለ፤የበለጠ እየሠራ የሚገኝ ተቋም ሲሆን ነገር ግን ማህበረሰቡ የደረሰበትን አስተሳሰብና ዓለም የደረሰበትን ቴክኖሎጂ ደረጃ የሚመጥን መዋቅር ማዘጋጀት ወቅታዊና ቅድሚያ ልንሰጠው የሚገባው ጉዳይ ነው፡፡ የኤጀንሲው ዋና ዳይሬክተር አቶ ይኩኖአምላክ መዝገቡ ስለዓድዋ በዓል አከባበር ለተሳታፊው መልዕክት አስተላልፈዋል፡፡በማጠቃለያውም ሚያዝያ 27 በሀገር አቀፍ ደረጃ የሚከበረውን የአርበኞችን ተጋድሎና የነፃነት ቀን በመዘከር አክብሯል፡፡